ԲԱՐՁՐԱԳՈՒՅՆ ՏԵԽՆՈԼՈԳԻԱ

Ռոբոտներ՝ կենդանի բջիջներից․ կենդանի ռոբոտներն այլևս իրականություն են

Միացյալ Նահանգների Վերմոնտ համալսարանի գիտնականներն ու Թուֆթսի համալսարանի Ալենի հայտնագործությունների կենտրոնը (Tufts University’s Allen Discovery Center) մշակել են աշխարհում առաջին ռոբոտները, որոնք ամբողջությամբ կառուցված են կենդանի բջիջներից: Ստեղծողներն իրենց գյուտն անվանել են Քսենոբոտ (Xenobot):

Քսենոբոտները միլիմետրց էլ փոքր (submillimeter size) գնդիկներ են՝ բաղկացած 500-1000 բջիջներից:

Գիտնականներն աֆրիկյան Xenopus laevis տեսակի գորտերի մաշկից (այստեղից էլ անունը՝ Xenobot) ու սրտից վերցրել ու համատեղել են ցողունային բջիջները և գերհամակարգչի միջոցով մշակել են էվոլյուցիոն ալգորիթմ։

Ընդհանուր առմամբ ստեղծվել է մոտ հազար կոնֆիգուրացիա, որից՝ մանրադիտակային հետազոտությունների արդյունքում, ընտրվել են առավել հաջողվածները։

Քսենոբոտները կենդանի օրգանիզմներ են․ նրանց բջիջները աշխատում են միասին, ինչն էլ թույլ է տալիս ինքնուրույն շարժվել ջրալի միջավայրում, նույնիսկ՝ տեղափոխել մանրադիտակային չափսի «բեռներ»:

Ի տարբերություն պողպատից կամ պլաստիկից պատրաստված ռոբոտների՝ քսենոբոտները քայքայվում են որոշ ժամանակ անց: Քսենոբոտներին օգտոգործեկուց առաջ դրանք «լիցքավորվում» են իրենց սնունդով, որը սպառվում է մեկ շաբաթվա ընթացում, և եթե միջավայրը սնունդով հարուստ չէ՝ նրանք մահանում են։

https://tocana.jp/2020/01/post_138031_entry.html

Քսենոբոտները կարող են օգտագործվել ինչպես բժշկական նպատակներով, այնպես էլ, օրինակ, ռադիոակտիվ թափոնների մաքրման համար։

Քսենոբոտները դեռևս չեն կարող վերարտադրվել կամ՝ զարգանալ։

Leave a Reply

Your email address will not be published.